සුරාබදු ආඥා පනතෙහි සුරාබද්දට යටත් ද්‍රව්‍ය සම්බන්ධයෙන් ලබා දී ඇති නිර්වචනයට අනුව සුරාබද්දට යටත් ද්‍රව්‍ය යනුවෙන් හදුන්වනු ලබන්නේත් එයට ඇතුළත් වනු ලබන්නේත් එම පණතින් හදුන්වා දී ඇති ඕනෑම මත්පැන් වර්ගයක් වේ.

සුරාබදු ආඥා පනතෙහි දක්වා ඇති නිර්වචනයට අනුව මත්පැන් යන්නට වයින් ස්ප්‍රීතු, ස්ප්‍රීතු, මුද්‍රික පානය හෙවත් වයින්, රා, බීර යන මේවා ද මධ්‍යසාර සහිත වූ හෝ එය අන්තර්ගත වූ සියළුම ද්‍රව වර්ග ඇතුළත් වේ. තවද සුරාබදු ආඥා පනතේ කාර්යයන් සදහා විෂය භාර අමාත්‍යවරයා විසින් නිවේදනයක් මගින් මත්පැන් යනුවෙන් ප්‍රකාශයට පත් කරනු ලබන යම් ද්‍රව්‍යයක් වෙතොත් එයද මීට ඇතුළත් වේ. .

සුරාබදු ආඥා පනතෙහි 4 වන වගන්තිය මගින් පවරා දී ඇති බලතල ප්‍රකාරව එම පනතට අදාළ විෂය භාර අමාත්‍යවරයා විසින් කිසියම් මත්පැනක් සම්බන්ධයෙන් සිල්ලරට විකිණීමේ උපරිම සීමාවක් පැනවිය හැකිය. එවිට ඒ සදහා ලබාගත් වලංගු බලපත්‍රයකින් තොරව එකී සිල්ලරට විකිණීමේ උපරිම සීමාව ඉක්මවා අදාළ මත්පැන් වර්ගය සිල්ලරට විකිණීම, ප්‍රවාහනය කිරීම නැතහොත් සන්තකයේ තබාගැනීම සුරාබදු පනත යටතේ දඩුවම් ලැබිය පැමිණ විය හැකි වරදක් වේ. ශ්‍රී ලංකාව තුළ වර්තමානයේ බලපැවැත්වෙන පරිදි මත්පැන් වර්ග සිල්ලරට විකිණීමේ උපරිම සීමාවන් පහත දැක්වේ. 

කිසියම් මත්පැන් වර්ගයක් සන්තකයේ තබාගැනීම හා ප්‍රවාහනය කිරීම සම්බන්ධ සීමාව එකී මත්පැන් සිල්ලරට විකිණීමේ උපරිම සීමාව හා බැදී පවතී. ඒ අනුව යම් මත්පැනක් ඒ සදහා ලබාගත් වලංගු බලපත්‍රයක් නොමැතිව සිල්ලරට විකිණීමේ උපරිම සීමාව ඉක්මවා සන්තකයේ තබාගැනීම නැතහොත් ප්‍රවාහනය කිරීම දඩුවම් ලැබිය හැකි වරදකි. ඒ අනුව ඒ සදහා ලබාගත් වලංගු අවසර පත්‍රයකින් තොරව ඒ ඒ මත්පැන් වර්ග  සන්තකයේ තබාගැනීම නැතහොත් ප්‍රවාහනය කිරීම කල හැකි උපරිම සීමාවන් පහත දැක්වේ.

2018.01.18 දිනැතිව නිකුත් කරන ලද ශ්‍රී ලංකා ප්‍රජාතාන්ත්‍රික සමාජවාදී ජනරජයේ අංක 2054/41 දරණ අති විශේෂ ගැසට් පත්‍රය මගින් ප්‍රකාශිත සුරාබදු නිවේදන අංක 03/2018 පරිදි මත්පැන් විකිණීම සදහා සුරාබදු බලපත්‍ර ලත් ස්ථානයන් එකී මත්පැන් විකිණීමේ කාර්යය සදහා විවෘත කර තැබිය යුතු අනුමත වේලාවන් ඒ ඒ බලපත්‍ර වර්ගය අනුව පහත දැක්වේ.

මත්පැන් විකිණීම සදහා වූ සුරාබදු බලපත්‍ර ලත් ස්ථාන වසා තැබීමේ දිනයන් සුරාබදු දෙපාර්තමේන්තුව මගින් වාර්ෂිකව ප්‍රසිද්ධියට පත් කරනු ලැබේ. ඒ අනුව 2018.12.21 දිනැතිව සුරාබදු කොමසාරිස් ජනරාල්වරයා විසින් නිකුත් කරන ලද චක්‍රලේඛය ලිපිය මගින් 2018 වර්ෂය සදහා මත්පැන් විකිණීම සදහා වූ සුරාබදු බලපත්‍ර ලත් ස්ථාන වසා තැබීමට නියමිත දිනයන් දක්වා තිබේ.

තවද අවස්ථාවෝචිත පරිදි විවිධ හේතුන් මත මත්පැන් විකිණීම සදහා වූ සුරාබදු බලපත්‍ර ලත් ස්ථාන වසා තැබීමට අවශ්‍ය වන අවස්ථාවන්හිදී එසේ කිරීම සදහා සුරාබදු කොමසාරිස් ජනරාල්වරයා විසින් ඒ ඒ ප්‍රදේශවලට හෝ මුළු දිවයිනටම අදාළ වන පරිද්දෙන් නියෝග නිකුත් කරනු ලබන අතර ඒවා සම්බන්ධයෙන් මාධ්‍ය මගින් ප්‍රචාරණයක් ලබාදීමට ද ක්‍රියා කරනු ඇත.

මහජනයා සදහා සංවිධානය කරනු ලබන විශේෂ උත්සව ඇතුළු අවස්ථාවන් සම්බන්ධයෙන් මත්පැන් විකිණීම සදහා නිකුත් කරනු ලබන අවස්ථා බලපත්‍රයක් (සුරාබදු ර.බී. 14) අවස්ථා බලපත්‍රයක් ලබා ගැනීම පිණිස අවශ්‍ය වන ලේඛන පහත දැක්වේ.

උත්සවය පැවැත්වීමට නියමිත ඉඩමෙහි නැතහොත් පරිශ්‍රයෙ‍හි අයිති කරුගෙන් ලබාගත් කැමැත්ත ප්‍රකාශ කිරීමෙහි ලිපිය. එයට අමතරව එම ලිපියෙහි අදාළ උත්සවය අවස්ථාවේදී එම ස්ථානයෙහි මත් පැන් විකිණීම සදහා අයිතිකරුගේ විරෝධයක් නොමැති බවට නිශ්චිත ප්‍රකාශයක් ද තිබිය යුතුය. (පාසැල්වලට අදාළ ක්‍රිඩා පිටිටනිවල හෝ ගොඩනැගිලි තුළ පැවැත්වනු ලබන උත්සව සදහා මෙම අවස්ථා බලපත්‍ර නිකුත් නොකරන බව සැලකිල්ලට ගත යුතුය).

1. උත්සවය පැවැත්වීමට නියමිත ඉඩම හෝ පරිශ්‍රය පිළිබඳව අදාළ සුරාබදු ස්ථානාධිපති හා සුරාබදු අධිකාරීවරයා ගේ නිර්දේශයන්
2. එකි ඉඩමට හෝ පරිශ්‍රයට අදාළව අයැදුම් කරනු ලබන අවස්ථාව වෙනුවෙන් මත්පැන් විකිණීම සදහා වූ අවස්ථා බලපත්‍රයක් නිකුත් කිරීමෙන් ප්‍රදේශයේ නීතිය හා සාමය පවත්වාගෙන යාම සදහා අහිතකර බලපෑමක් නොවන බවට ප්‍රදේශයේ පොලිස් ස්ථානාධිපතිවරයාගෙන් ලබා ගත් නිර්දේශය
3. ඉල්ලා සිටිනු ලබන මත්පැන් විකිණීම සදහා වූ අවස්ථා බලපත්‍රය යටතේ මත්පැන් විකිණීමෙන් ලැබෙන ලාභය බෙදී යන ආකාරය දැක්වෙන ලිපියක්. මෙහිදී එකී ලාභය කිසියම් ආයතනයක සුබ සාධනය සදහා යොදවා ගත යුතුය.එකී මුදල් බාර ගැනිමට අදාළ ආයතනයෙහි කැමැත්ත දැක්වෙන ලිපියක් ද යා කොට තිබිය යුතුය.
4. අදාළනිර්දේශයන්සම්බන්ධයෙන්තමන්සෑහීමකටපත්වනවිටදීඅවස්ථාබලපත්‍රයක්නිකුත්කරනලෙසටඑම ප්‍රදේශයේ සහකාර සුරාබදු කොමසාරිස්වරයා විසින් අදාළ ප්‍රාදේශීය ලේකම්වරයා වෙත නිර්දේශ කරනු ඇත. එවිට   ප්‍රාදේශීය ලේකම්වරයා විසින් එම බලපත්‍රය නිකුත් කරනු ලබයි. සුරාබදු නිවේදන අංක 1004 ට අනුව මෙම බලපත්‍රය සදහා එක් දිනකට අයකරනු ලබන බලපත්‍ර ගාස්තුව රු. 25,000.00 කි.
5. තවද මෙම බලපත්‍රය ක්‍රියාත්මක කිරීමෙන් සති 6 ක් ඇතුළත මිලට ගත් මත්පැන් ප්‍රමාණය හා ඉන් විකුණන ලද මත්පැන් ප්‍රමාණය ඇතුලත් විස්තර දැක්වෙන වාර්තාවක් අදාළ ප්‍රදේශයේ සහකාර සුරාබදු කොමසාරිස්වරයා වෙත ලබා දිය යුතුය.

1. කිසියම් මත්පැන් විකිණීම සදහා බලපත්‍රයක් ස්ථාන මාරු කළ හැක්කේ අදාළ ප්‍රාදේශීය ලේකම් කොට්ඨාශය තුළ පමණි.

2. මත්පැන් විකිණීම සදහා වූ සුරාබදු බලපත්‍රයක් ස්ථාන මාරු කිරීම සදහා ඉල්ලීම් කිරීමේදී ඒ සදහා රු. 10,000.00 ක ගාස්තුවක් ගෙවා ඉල්ලුම් පත්‍රයක් ලබා ගත යුතුය.

3. සිය සුරාබදු බලපත්‍රය මාරු කිරීමට හේතු පාදක වූ කරුණු අදාළ බලපත්‍රධාරියා විසින් සනාථ කළ යුතුය.

4. බලපත්‍රලත් ස්ථානය අළුතින් පිහිටුවීමට අදහස් කරන ස්ථානයේ සිට පාසැල් හා පූජනීය ස්ථාන සදහා තිබිය යුතු අවම දුර ප්‍රමාණයන් පිළිබඳව අවශ්‍යතාවයන් සම්පූර්ණ කළ යුතුය.

ඔව්, මත්පැන් විකිණීම සඳහා වූ විවිධ සුරාබදු බලපත්‍ර ලත් ස්ථානවල විකිණීම පිණිස තබා ඇති සුරාබද්දට යටත් ද්‍රව්‍යවල තොග වෙනස්වීම් සහ ඒවායේ දෙනික වෙළදාම සම්බන්ධයෙන් නිශ්චිතව නියම කරන ලද ආකෘති භාවිතා කරමින් පවත්වා ගතයුතු පොත් තැබීමේ (ගිණුම් තැබීමේ) ක්‍රමවේදයක් පවතී. එම ගිණුම් සුරාබදු නිලධාරීන්ගේ පරීක්‍ෂාවට භාජනය කරනු ලැබේ. 

මත්පැන් විකිණීම සදහා වූ සුරාබදු බලපත්‍ර වර්තමානයෙහි දී නිකුත් කරනු නොලැබේ. එසේද වුවත් සංචාරක කර්මාන්තයේ ප්‍රවර්ධනය උදෙසා ශ්‍රී ලංකා සංචාරක ප්‍රවර්ධන අධිකාරිය විසින් අනුමත කරන ලද හා මත්පැන් බලපත්‍ර ලබාදීම සදහා නිර්දේශ කරන ලද සංචාරක හෝටල ආදිය සම්බන්ධයෙන් පමණක් පහත සඳහන් විශේෂිත බලපත්‍ර කාණ්ඩයන් යටතේ පමණක් මත්පැන් විකිණීම සදහා නව බලපත්‍ර නිකුත් කරනු ලැබේ..

1. -ර.බී. 7/8 හෝටල් හා පිඨිකා බලපත්‍රය
2. -ර.බී. 11 ආපනශාලා බලපත්‍රය
3. -ර.බී. 12 තානායම් බලපත්‍රය
4. -ර.බී. 22 B බියර් ස්ථානීය පරිභෝජන බලපත්‍රය
5. -මත්පැන් අළෙවිය සදහා වූ විශේෂ තුන් අවුරුදු අනුමැතිය

(මෙම සියළු බලපත්‍ර සදහා සංචාරක සංචාරක ප්‍රවර්ධන අධිකාරියෙහි අනුමැතිය ලබා තිබීම පූර්ව අවශ්‍යතාවයකි.)

ඉහත බලපත්‍ර සදහා අයැදුම්කිරීමට අපේක්ෂා කරන්නන් එකී බලපත්‍ර වර්ගය සඳහා වූ සංචාරක මණ්ඩලයේ නිර්දේශය සහිත ලිපියේ පිටපතක් හා සමාගම් ලියාපදිංචි සහතිකයේ හෝ ව්‍යාපාර ලියාපදිංචි සහතිකයේ පිටපතක් සමඟ නව බලපත්‍රයක් ඉල්ලීමේ ලිපියක් සුරාබදු දෙපාර්තමේන්තුවේ ප්‍රධාන කාර්යාලයට ඉදිරිපත් කිරීමෙන් පසුව රු.10,000/-ක ගාස්තුවක් ගෙවා නියමිත ආකෘතියේ අයදුම් පත්‍රයක් ලබාගත යුතුය.

එකී අයදුම් පත්‍රය නිසියාකාරව සම්පූර්ණ කර එමගින් ඉල්ලා සිටිනු ලබන අනෙකුත් ලේඛන (මිනුන්දෝරු වාර්තාව, ඔප්පුව හෝ බදු ගිවිසුමේ) ද සමඟ අදාල සුරාබදු ස්ථානාධිපතිගේ, සුරාබදු අධිකාරිගේ හා සහකාර සුරාබදු කොමසාරිස්ගේ නිර්දේශ සමඟ සුරාබදු ප්‍රධාන කාර්යාලයට ඉදිරිපත් කළ යුතුය.

එකී නිර්දේශ අනුව සෑහීමකට පත්වන විටදී අදාල ප්‍රාදේශීය ලේකම්ගේ හා පොලිස් ස්ථානාධිපතිගේ වාර්තා කැඳවීමට ක්‍රියාකරනු ලැබේ. එම වාර්තාවන් සම්බන්ධයෙන් ද සෑහීමකට පත්වන විටදී පමණක් සුරාබදු බලපත්‍ර නිකුත් කිරීමට අදාළව තත්කාලයෙහි දී බලපවත්නාවූ ප්‍රතිපත්තීන් ට අනුකූලව හා සුරාබදු නිවේදන අංක 902 ට අනුව අදාළ සුරාබදු බලපත්‍රය නිකුත් කරන ලෙසට දන්වමින් ප්‍රාදේශීය ලේකම් වෙත ලිපියක් යොමු කරනු ලබයි. අනතුරුව නියමිත බලපත්‍ර ගාස්තු හා වෙනත් යම් අයකිරීමක් ඇත්නම් එය ද ගෙවීමට යටත්ව ප්‍රාදේශීය ලේකම් විසින් බලපත්‍ර නිකුත් කරනු ලබයි.

1. 2006 අංක 27 දරණ දුම්කොළ හා මධ්‍යසාර පිළිබද ජාතික අධිකාරිය පනත
2. 2008 අංක 1 දරන මාදක ඖෂධ සහ මනෝ වර්තක නීති විරෝධී ලෙස ජාවාරම් කිරීමට එරෙහි සම්මුති පනත

1. 1912 අංක 8 දරන සුරාබදු ආඥා පනත හා එහි සංශෝධනයන්.

2. 1999 අංක 8 දරන දුම්කොළ බදු පනත හා එහි සංශෝධනයන්.

3. 1929 අංක 17 දරණ විෂ වර්ග, අබිං හා අන්තරාදායක ඖෂධ ආඥා පනත හා එහි සංශෝධනයන්.

4. 2006 අංක 27 දරණ දුම්කොළ හා මධ්‍යසාර පිළිබද ජාතික අධිකාරිය පනත.

5. 2008 අංක 1 දරන මාදක ඖෂධ සහ මනෝ වර්තක නීති විරෝධී ලෙස ජාවාරම් කිරීමට එරෙහි සම්මුති පනත.

ලිපිනය : නො.353, කොට්ටේ පාර, රාජගිරිය

දුරකථන අංක : 011-204-5000

වෙබ් අඩවිය : www.excise.gov.lk

විද්‍යුත් ලිපිනය : This email address is being protected from spambots. You need JavaScript enabled to view it.

• වාර්ෂික කාර්ය සාධන වාර්තා
• සුරාබදු චක්‍රලේඛ හා සුරාබදු නිවේදන
• නිතර අසන ප්‍රශ්න හා පිළිතුරු
• දෙපාර්තනේතුවේ නිළධාරීන් හා කාර්යාල සම්බන්ධ කරගත හැකි දුරකථන අංකයන්
• දෙපාර්තමේන්තුවේ කාර්යයන් , ආයතනික ව්‍යුහය හා කාර්ය මණ්ඩලය පිළිබද විස්තර
• දෙපාර්තමේන්තුව මගින් නිකුත් කරනු ලබන විවිධ බලපත්‍ර වර්ග
• දෙපාර්තමේන්තුවේ ප්‍රධාන හා ප්‍රාදේශීය කාර්යාල පිළිබද තොරතුරු
• දෙපාර්තමේන්තුවේ කටයුතු පිළිබද ප්‍රවෘත්ති හා නිවේදන
• විවිධ අයැදුම්පත්‍ර ආකෘති
• අචල හා සචල රූප ගැලරිය

 සුරාබදු කොමසාරිස් ජනරාල් - 011-20-45043

නියෝජ්‍ය සුරාබදු කොමසාරිස් (නීති ක්‍රියාත්මක කිරීම්) – 011-20-45084

සුරාබදු විශේෂ මෙහෙයුම් ඒකකය - කොළඹ - (දිවයින පුරා සුරා අපරාධ පිළිබඳව) -011-28-18476

දකුණු පළාත් සුරාබදු විශේෂ මෙහෙයුම් ඒකකය - (දකුණු පළාත තුල සුරා අපරාධ පිළිබඳව) - 091-22-35422

වයඹ පළාත් සුරාබදු විශේෂ මෙහෙයුම් ඒකකය - (වයඹ පළාත තුල සුරා අපරාධ පිළිබඳව) - 037-22-33164

මධ්‍යම පළාත් සුරාබදු විශේෂ මෙහෙයුම් ඒකකය - (මධ්‍යම පළාත තුල සුරා අපරාධ පිළිබඳව) - 081-22-38383

උතුරු මැද පළාත් සුරාබදු විශේෂ මෙහෙයුම් ඒකකය - (උතුරු මැද හා උතුරු පළාත තුල සුරා අපරාධ පිළිබඳව) - 025-22-21797

සුරාබදු (සංශෝධන) ආඥා පණත් මගින් කලින් කලට සංශෝධිත වූ 1912 අංක 08 දරණ සුරාබදු ආඥා පනත යටතට ගැණෙන වැරැදි හා එම වැරැදි සදහා නියමිත දඩුවම් පහත දැක්වේ.

සුරාබදු ආඥා පණත යටතට ගැණෙන වැරැදි හා ඒ මත පණවනු ලැබිය හැකි දඩුවම් වරද කඩකරනු ලබන වගන්තිය දඩුවම් පමුණුවන වගන්තිය දඩුවම